Juullimi ukiortaassamilu pilluaritsi

Juulli 2013

Juulli 2013

Ukiumoortumik nalunaarusiaq sullissivik.gl – 2013

Sullissivik.gl tassaavoq pisortat ataatsimoorussamik innuttaasunut nittartagaat. Nittartagaq pitsaanerusumik innuttaasunik sullissisarnissamik takorluugaq tunuliaqutaralugu pilersinneqarpoq, taanna aaqqissuussaanerup allanngortiterneqarnerani kingusinnerusukkullu IKT-imik periutsimi siullermeersumik saqqummiunneqarpoq. Innuttaasut tamakkerlutik, sumiluunniit najugaqaraluarunik, sullissinermut qaffasissumik pitsaassusilimmut ajornaannerusumik pissarsisussaapput, pisortanut iserfik ataaseq, pitsaanerusumik ataqatigiissumik sullinneqarneq kiisalu ilisimasanik, paasissutissanik pitsaanerusumik pissarsisinnaaneq aammalu internet aqqutigalugu imminut sullissinnaaneq periarfissaqarfigisussaavaat.

2012-imi tunniunneqartunut ilanngullugu anguniakkat taakku qanoq piviusunngortinneqarnissaannut periutsip ataqatigiissumik saqqummiunnissaa aammalu suliniutip 2013-imi suut unammilligassarinerai ukiumoortumik nalunaarutip uuma saqqummiutissallugit siunertaraa

Sullissiviup 2012-imi sulinera qulequttanut pingaarnernut sisamanut agguataarneqarsinnaavoq:

  1. Saqqummiussineq,
  2. Inerisaaneq,
  3. Atuilersitsineq aamma
  4. Aserfallatsaaliineq.

Ukiumoortumik nalunaarusiaq sukumiinerusumik atuaruk asseq toorlugu

Ukiumoortumik nalunaarusiaq

 

“Uannut Tunngasut”-mi imminut sullinneq – Nammineerluni nalunaarsuineq

Ukioq manna siullermeersumik periarfissaalerpoq sullissivik.gl-imi Uannut Tunngasut aqqutigalugu toqqaannartumik attaveqaatitigoortumik nammineerluni nalunaarsugassaq nalunaarutigissallugu.

Tassa imaappoq innuttaasut NemID-mik pigisaqartut “Uannut Tunngasut” iserfigalugu 2012 Nammineerluni nalunaarsugassaq aaqqissinnaagaat/akuerisinnaagaat.

Piffissami 01-01-2013-miit 03-05-2013 tikillugu toqqaannartumik attaveqaatitigoortumik nammineerluni nalunaarsugassaq tunniutissallugu periarfissaasimavoq. Ataani allattorsimaffimmi sorliit aqqutigineqarsimanerat takuneqarsinnaavoq.

Kommunit Akileraartarnermut tunngasut Sullissivik.gl-imit atuisut amerlassusaat Aka.gl-imit atuisut amerlassusaat
Kujalleq 6457 87 791
Qaasuitsup 14651 177 1400
Qeqqata 8267 154 798
Sermersooq 19477 473 2281
Akileraartarnermut aqutsisoqarfik 565 48 109
Nuna tamakkerlugu 49421 939 5379

Soorlu qulaani takuneqarsinnaasoq pisarneq malillugu iliuuserineqartartoq aka.gl-ikkut pinkode-mik atuineq atorneqarnerusimavoq. Taamaakkaluartoq isumalluarnarportaaq innuttaasut sullissivik.gl atorsimagaat – NemID-p Kalaallit Nunaanni suli siuarsarneqarmat Kommunit Namminersorlutik Oqartussallu suleqatigalugit.

Sullissivik.gl -imi atuisut april 2013-tungaanut

www.sullissivik.gl-ip atorneqarneranut isertartut kisitsisit atorlugit nalunaarsorlugit qaammatit tamaasa nakkutigisarparput.

Uuma ataani 2013-imi april ilanngullugu ataatsimut isiginninneq eqiterlugu takusinnaavat –  innuttaasunut nittartakkamut www.sullissivik.gl-imut atuisimasut – nittartakkamik atuineq siaruaraluttuinnarpoq, sullissivimmi sulisunut nuannaaqutaaqisumik.

Atuisut

Sullissivik.gl
Qaammammi kingullermi (april2013) sullissivik.gl-imi atuisimapput 9.188

  • Kalaallit Nunaanni innuttaasut amerlassusaat 57.670 – agguaqatigiisillugu inuit 6-t sullissivik.gl atorsimavaat


Atuisut
Atuisoq ullormi ataatsimi naatsorsorneqartarpoq atuisoq ataaseq. Qarasaasiaq ullormi ataatsimi arlaleriarluni sullissivik.gl-imut atorneqartaruni, taamaallaat naatsorsorneqartassaaq atuisoq ataaseq.

Sullissivik.gl -imi atuisut marts 2013-tungaanut

http://www.sullissivik.gl-ip atorneqarneranut isertartut kisitsisit atorlugit nalunaarsorlugit qaammatit tamaasa nakkutigisarparput.
Uuma ataani 2013-imi marts ilanngullugu ataatsimut isiginninneq eqiterlugu takusinnaavat – atuisunut innuttaasunut nittartakkamut http://www.sullissivik.gl-imut atuisimasut – nittartakkamik atuineq siaruaraluttuinnarpoq, sullissivimmi sulisunut nuannaaqutaaqisumik.

statistik_marts_2013

Atuisut

Atuisoq ullormi ataatsimi naatsorsorneqartarpoq atuisoq ataaseq. Qarasaasiaq ullormi ataatsimi arlaleriarluni sullissivik.gl-imut atorneqartaruni, taamaallaat naatsorsorneqartassaaq atuisoq ataaseq.

Borger.dk aamma Sullissivik.gl sanilliunneqarnerat

  • Qaammammi kingullermi (marts 2013) borger.dk-mi atuisimapput 1.921.561-it
    Danmark-imi innuttaasut amerlassusaat 5.599.665 – agguaqatigiisillugu inuit 3-t borger.dk atortarpaat
  • Qaammammi kingullermi (marts 2013) sullissivik.gl-imi atuisimapput 7.960
    Kalaallit Nunaanni innuttaasut amerlassusaat 57.670 – agguaqatigiisillugu inuit 7-t sullissivik.gl atortarpaat

Sullissivik.gl-imut takoqqusaarutigineranik misissuineq

Sullissivik.gl-imik saqqummiussinermi takoqqusaarutiginninnermik annertunerusumik ingerlatsinitsinnut atatillugu, tusagassiorfinni assigiinngitsuni takoqqusaarutit takunnngitsoorneqarsimallutilluunniit assigiinngitsunik tiguneqarsimasut paasivarput. Taamaammat sullissivimmi aqutsisoqatigiit isumasioreerlugit toqqarneqarpoq, Tele-Mark A/S suleqatigalugu takoqqusaarutiginninnermik misissueqqissaarneq ingerlanneqassasoq.

Misissueqqissaarnermik siunertaq

Takoqqusaarutiginninnermik misissueqqissaarnermik siunertarineqarpoq, ilaatigut tulliuttunik misissuinissaq:

  • Sullissivik.gl inunnit qassinit tusarneqarsimava
  • Sullissivik.gl-imut takoqqusaarutit akissuteqartunit takuneqarsimappat
  • Nittartagaq akissuteqartunit alakkarneqarsimava
  • Nittartagaq qanoq taakku naammagisimaartigaat
  • Nittartagaq arlaata alakkarnissaa sussaaginnarsimavaa
  • Kalaallit Nunaanni oqartussaasunit paasissutissanik akissuteqartut qanoq pissarsiaqartarpat

Takoqqusaarutiginninnermik misissueqqissarneq kommunini sisamaasuni, Kommuneqarfik Sermersooq-mi, Kommuni Kujalleq-mi, Qeqqata Kommuniani aamma Qaasuitsup Kommuniani agguataarlugu aammalu inunnik 706-inik peqataasoqartillugu ingerlanneqarpoq.

Misissueqqissaarnerup takutippaa, akissuteqartunit 706-iusunit 67,7 %-it Sullissivik.gl tusarsimagaat. Ilaatigut kalaallit inuusuttut 18-it aamma 25-t akornanni ukiullit aamma utoqqaat 65-t sinnerlugit ukiullit, ukioqatigiiaanut allanut sanilliullutik Sullissivik.gl-imik tusagaqarsimasut ikinnerpaapput. Tassalu ukioqatigiiaat taakku nittartakkamik alakkaasimasut aamma ikinnerpaapput.

Ataatsimut isigalugu akissuteqartut, Sullissivik.gl radiukkut aamma TV-ikkut tusarnerusarpaat, Sullissivik.gl-imullu takoqqusaarutit TV-ikkut takunerusarsimallugit.

Inuit akissuteqartut Sullissivik.gl-imik alakkaasimasut, nittartakkami ujaasinissamut periarfissaasut naammagisimaapaat aammalu nittartakkami paasissutissat paasiuminassusiat naammagisimaarlugu. Inuit akissuteqartut nittartakkamik alakkaasimanngitsut, patsisigaat, internet-imut attaveqannginneq imaluunniit qarasaasiamik atuinissamik nalunertik. Taamaakkaluartoq siunissami nittartakkamik atuisarnissamut soqutiginninneq aamma nittartakkamik atuereersimasut akornanni annertuumik ataqatigiissoqarpoq. Taamaammat nittartakkami inuit amerlasuut atuilersinnissaat aallunneqartariaqarmat pingaartuuvoq. Ukioqatigiiaat 18-it aamma 25-t akornanni ukiullit amerlanerusut qanoq iliortuni nittartakkamik misiliisinnissaannut iliuusissatut pilersaarummik suliaqartoqarsinnaavoq. Ukioqatigiiaani taakkuni amerlasuut nittartagaq tusarsimanngilaat, taamaammat inuit taakku sammineqarlutik iluaqutaasumik nittartakkamik ilisarinnittalernissaannut suliniuteqartoqarsinnaavoq. Misissueqqissaarnermi 18-it aamma 25-t akornanni ukiullit oqaatigaat, internet aqqutigalugu pisortanut attaveqartarnissaq kissaatigalugu.

Pisortanit ullumikkut paasissutissanik qanoq iliorlutik pissarsisarnerannik misissueqqissaarneq akissutissarsititsinngilaq, periuseq qanoq ittoq atorneqarsinnaanersoq, ullumikkut atortagaannit allaanerusoq.

 

Tamatuma kingorna Sullissivik.gl-imiit, sullissivik.gl-imik ilisarinnitsiniarnitsinni Facebook-imi quppernermik sanasimavugut uani (https://www.facebook.com/sullissivik.gl) tassa 18-it aamma 25 akornanni ukiulinnik amerlanerusunik atuisartunik pissarsiumalluta. Facebook-imi qupperneq atortarparput, Sullissivik.gl-imi periarfissat pillugit assigiinngitsunik paasissutissanik saqqummiussinernut aamma innuttaasutut sunik pisinnaatitaaffeqartoqarnersoq.

fb

Ullumi ulloq tikillugu, Facebook-imi quppernitsinni 720-inik ”Likes” peqalernikuuvugut, ukioqatigiiaallu 18-it aamma 30-t akornanni ukiullit tassani akuulluarput.

Takoqqusaarutiginninnermik misissueqqissaarneq tamakkiisoq Sullissivimmut inniminnerneqarsinnaavoq

Sullissivik.gl-imi atuisut

Qaammatit tamaasa atuisunik misissuinermi malinnaanitsinni nittartagaq sullissivik.gl -imi takusinnaavarput oktobor-imi marloriaatsingajammik qaffassimasoq 3.200 missaaniik 6.100 missaanut. Qaffannera malunnarpoq “uannut tunngasut” saqqummiunneqarnerata qingunerisaanik, tassanimi imminut sullissinnaalernermi periarfissinneqaramik atuisut.

atuisut

Atuisut
Atuisoq ullormi ataatsimi naatsorsorneqartarpoq atuisoq ataaseq. Qarasaasiaq ullormi ataatsimi arlaleriarluni sullissivik.gl-imut atorneqartaruni, taamaallaat naatsorsorneqartassaaq atuisoq ataaseq.

NUTAARSIASSAQ – Sullissiviup blog-ia kalaallisut

Innuttaasunut sullissinermi pitsanngorsaanermi suliniut sullissivik.gl quppersagassaliornikuuvoq (blog).

Taannalu maanna nutaamik qupperneqarlerluni Kalaallisuinnaq allaaserisat ikkunneqartassallutik.

Dansk-isut atuarusukkukkit taava quppernerisarput (blog) – http://bborgerservice.wordpress.com atortassavat,
– Aamma periarfissaqarputit “sprog” talerperlermiittoq toornissaa taamaasillutit Danskisut aamma Kalaallisut atuarsinnaalerpatit allaaserisagut.

Neriuppugut atorluarumaarisi, eqqaamallugu aamma periarfissaqaravit email-ikkut malinnaasinnaallutit (talerperlermi immersuinnassavat email-adresse) allaaserisanillu ikkussigaagatta toqqaanartumik nutarsiassanik email-inni pisassallutit.

Husk at abonnere, enten på den danske eller på den grønlandske blogside.

Attaveqaatitigoortumik toqqaannartumik sullissivik.gl-ikkut imminut sullinneq

NemID pigigaanni, innuttaasut maanna sullissivik.gl-imi attaveqaatitigoortumik toqqaannartumik imminnut sullissinnaalerput.

Ulloq 5 oktober-i 2012 innuttaasunut nittartakkami sullissivik.gl-imi attaveqaatitigoortumik toqqaannartumik imminut sullissinnaaneq periarfissaalissaaq. Siullermik ilaatigut imaaliortoqarsinnaalissaaq, piniarsinnaanermut allagartamik qinnuteqarneq kiisalu pisanik nalunaartoqarsinnaalissaaaq, nuunnermik nalunaartoqarsinnaalerluni, ineqarnermut tapinik qinnuteqartoqarsinnaalerluni kiisalu eqqaaviit anartarfiillu aaneqartarnissaannik nalunaartoqarsinnaalerluni.

Ilutigisaanik sullissivik.gl-ip Uannut Tunngasut ammassavaa. Uannut Tunngasut innuttaasut inuttut quppernerat, imminut sullinnissamut periarfissat tamakkerlutik sumiiffimmut ataatsimut katersorneqarsimallutik. Tamatuma kingunerisaanik, imminut sullinnissamut neqeroorutit arlallit atorneqarnissaannut ataasiaannarluni isernissaq taamaallaat pisariaqartinneqartussaavoq.

”Uannut tunngasoq” -mik saqqummiussineq aamma toqqaannartumik attaveqaatitigoortumik imminut sullinneq

SEP 18 2012

Maannakkorpiaq ”Uanga quppernera” aamma toqqaannartumik attaveqaatitigoortumik periarfissat siulliit naammassiniarneqarput. ”Uanga quppernera”-mik inerisaanerit aamma minnerunngitsumik NemID pillugu isumaqatiginninniarnerit ingerlannerat sivisukujussipapput, taamaattoq ingerlalluarsimallutik – suleqatigisat aaqqiissutissanillu inerisaasut patsisaallutik’.

 

Uanga quppernera aamma NEMID atorlugu iserneq

Saqqummiussiffissatut ulluliussaq maanna inissinneqarsimasoq tassaavoq  tallimanngorneq ulloq 5. oktober 2012.

Aallaqqaammut ilaatigut sunngiffimmi aallaaniarsinnaanermut uppernarsaammik nutaamik qinnuteqarneq kiisalu pisanik nalunaaruteqarneq, nuunnermik nalunaarneq, ineqarnermut tapinik qinnuteqarneq aamma anartarfiit eqqagassallu isumagineqartalernissaannut nalunaarneq ingerlanneqarsinnaapput. ”Uanga quppernera” aamma imminut sullinnissamut periarfissat atorsinnaaniaraanni, NemID atorlugu isertoqartassaaq.

Saqqummiussinissamut paasisitsiniutitut atortussat assigiinngitsut suliarineqarsimapput:

  • Tusagassiorfitsigut nalunaarutit
  • Innuttaasunik kiffartuussiveqarfinnut allagartarsuit
  • Innuttaasunik kiffartuussiveqafinnut atugassiaaqqat
  • Videokkut aamma Radiukkut ilanngussat

Siuliini taaneqartut maanna kusassarneqarput piareeriissallutillu ulloq 5. oktoberimut.

”Uanga quppernera”-mik saqqummiussinissaq qilanaaraarput una oqaasinnaaralugu: Sullissivik.gl – Imminut sullinneq pisariitsoq