Innuttaasut nittartagaannik suliniummik siullermeersumik misissueqqissaarneq – Pitsaanerusumik innuttaasunik sullissineq

sep 8 2010

Siullermeersumik misissueqqissaarnermi siunertaavoq, iluseq sorleq, innuttaasut nittartagaannut atatillugu toqqarneqassanersoq pillugu inaarutaasumik aalajangiinissamut tunngavissamik pilersitsissaq.

15. aamma 16. maj allattariarsorluni pikkorissaneq tunngavigalugu paasinarsivoq, innuttaasut nittartagassannut atatillugu pissutsit arlallit nalilersoqqinneqartariaqartut, eqqortumik sulinissaq qulakkeerluarumallugu. Pissutsit arlallit sullissivimmit, kommuninit, KANUKOKA-mit aamma Namminersorlutik Oqartussanit nalilerneqassapput, allallu pilersuisuusumiit nalilersorneqarlutillu misissoqqissaarneqassallutik. Siullermeersumik misissueqqissaarneq una, pilersuisup nalilersuineralugulu misissueqqissaarneraa.

Aalajangiinissaq ikiorsiiffiginiarlugu, siullermeersumik misissueqqissaanermi ilaatinneqarput:

• Ukiut kingulliit marluk ingerlaneranni aalajangiinerit soqutiginaatillit tamakkerlugit taagorneqarnerat uppernarsarneqarnerallu
• Innuttaasut nittartagaannut ilutsit – kommunit nittartagaasa aamma innuttaasut nittartagaata akornanni suleqatigiissinnaaneq.

Immikkoortut marluk siuliini taaneqarput ataatsimoorlutik, atuuttunngortitsinissamut sinnersuutinik pingasunik toqqaasoqarsinnaaneranut sinaakkusiisuupput. Atuuttunngortitsinissamut sinnersuutit, innuttaasut nittartagaannut atuuttunngortitsinissamik siunnersuutit pillugit immikkoortumi nassuiarneqarsimapput.

Siullermeersumik misissueqqissaarnerup ilagaa, atuuttunngortitsinissami ilitsimik toqqaanerup saniatigut, aamma nassuiaat matumunnga:

• Kommunit nittartagaasa aamma innuttaasut nittartagaata (aamma pisortat nittartagaasa allat) akornanni akimortumik ujaasisinnaaneq
• Kommunit nittartagaasa aamma innuttaasut nittartagaata (aamma pisortat nittartagaasa allat) akornanni imaqassutiskkut paarlaasseqatigiissinnaaneq.